Отправлено: 03.02.08 13:01. Заголовок: Иван Вишенский. Писание до всѣх обще, в Лядской земли живущих…

Сава
Проходящий мимо
Пост N: #1
Зарегистрирован: 03.02.08

Отправлено: Сегодня 13:12. Заголовок: Иван Вишенский. Писание до всЪх обще, в Лядской земли живущих - новое!

---

Писание до всѣх обще, в Лядской земли живущих, да ся покают к богу, показуючи, каковы плоды Лядской земли жителей

Тобѣ, в земли, зовемой Полской, мешкаючому всякого возраста, стану и преложенства народу, рускому, литовскому и лядскому, в раздѣленых сектах и вѣрах розмаитых, сей глас в слух да достиже.

Ознаймую вам, як земля, по которой ногами вашими ходите и в ней же в жизнь сию рождением произведени есте и нынѣ обитаете, на вас перед господом богом плцчет, стогнет и вопиет, просячи сотворителя, яко да пошлет серп смертный, серп казни погибелное, яко же древле на содомляны, и всемирного потопу, которий бы вас выгубити и искоренити (яко да не скверните болшей оную антихристовым безбожным невѣрием и поганским, нечистым и несправедливим житием вашим) могл, — изволяючи лѣпше пуста в чистотѣ стояти, нежели вашим безбожством запустошона от хвали всесильного бога, создателя и творца небеси и земли, быти.

Где бо нынѣ в Лядской земли вѣра, где надежда, где любов, где правда и справедливост суда, где покора, где евангельские заповѣди, где апостолская проповѣдь, где святых законы, где хранения заповѣдей, где непорочное священство, где крестоносное житие иноческое, где простое благоговѣйное и благочестивое християнство? Не все ли превратися в паче всѣх язык нечистых нечистѣйшее житие и безвѣрие! И почто и именем християнским себе гласити безстуднѣ дерзаете, егда силы того имени не храните, ниж дѣлным постижением сохранити того имени свойство учитися не хощете? О окаянная утроба, которая таковых сынов на погибел вѣчную породила и на соблазнь прелестного свѣта сего выпустила!

Днес бо во Лядской земли священики всѣ, яко ж древле нѣкогда Елзавелины (а не небесного бога) жрецы — черевом, а не духом офѣруют. Панове зас над бога богами вышшими над своими поручными поддаными ся починили и над творца, ровным зданием образа своего всѣх почтившаго, судом беззаконным вознеслися, безсловесных естество вышшею ценою (в своих антихристового закона правах над люд божий, им до часу под власт злецоный) оценили. Вмѣсто зас евангельское проповѣди, апостолское науки, и святых закона, и ограниченя цноты, и учтивости сумненя християнского нынѣ поганские учители, Аристотели, Платоны и другие тым подобные машкарники и комедийники, в дворах Христа бога владѣют. Вмѣсто зас смирения, простоты и нищеты гордост, хитрост, матлярство и лихоимство владѣет. Вмѣсто зас суду и правды несправедливост, лож, крывда, прехитреня, препрене, потвар, лицемѣрие, лест и кгвалт антихристов владѣет. Вмѣсто зас вѣры, и надежди, и любви безвѣрство, отчаяние, ненавист, завист и мерзост владѣет. Вмѣсто зас цѣломудреного жития конечное вшетеченство, плюгавство и нечистота скверная владѣет.

Покайтеся убо, всѣ жителя тоя земли! Покайтеся, да не погыбнете двоякою погибелию, и вѣчною и дочасною, от скорого гнѣва божия нагло! Аще лн же не хощете, тогды к вам, стаду православному, християнскому роду, мовлю: будѣте готови отлучитися от того погибелного антихристова и содомского рода, да есте истинною новый Израиль, а не с поганци погане. Где бо в поганѣх таковый плод нечистый, яко ж нынѣ в Лядской земли видится? Стосугубнѣй некрещеные в имя отца и сына и святого духа, прелщеные от дияволского слуги и лжепророка Махомета, турки честнѣйшие ест пред богом в судѣ и правдѣ якой-такой, нежели крещеные ляхи, которые на евангельскую науку сопротивно борют и оную своим злым житием и гордостию антихристового духа пожерши попирают!
Прето вѣдаючи вы о сем, православний християне, не скорбѣте! Господ бо ест с нами, и аз убо есм с вами. Имѣйте убо вѣру и надежду в бога жива крѣпку и непоколѣбиму! На панов же ваших руского роду, на сыны человѣческия, не надѣйтеся! В них же нѣст спасения. Всѣ бо бога живого и вѣры яж в него отступили, прелести же еретической, любви духа тщеславного, жизнолюбию и лихоимству ся поклонили. В них же не благоволит господь по реченному: «А егда обинется, не благоволит душа моя о нем». Тѣмже да отступит — от неправды всяк именуяй имя господне. Будите убо готови на приятие Исуса, который нынѣ у вашей земли нѣмает где главу подклонити. Духи бо нечистии поднебеснии везде во естествѣ зовемых християн гнѣздятся и царствуют: прелстили, прехитрили и от бога различными ересьми десно и шуе естество человѣческое открали и вслѣд себе отволокли сут. Як нынѣ нѣст хвалы богу ни мало з Лядской землѣ, и христианство вконец исчезе и погибе. Всѣ бо настоящого вѣка гонят, да ся его благыми удовлят и насытят. О будущого же вѣчное наслаждение мислити и искати в жизни сей — и памят тую уморили и, яко ж камень, ко оной жизни онечувствѣли суть. Обаче где ся толко от вас обрѣтает истинный священик, инок цѣломудр и мирского жития християнин православний, которий от труда своего житие свое, богобойне живучи, а не от лихоимства языческого, окормляет и правду видѣти алчет и жаждет? Даст вам бог по желанию вашому. Не скорбѣте убо, но потерпѣте мало. Грядый бо приидет и не закоснит.

Да проклята будут владыки, архимандрити и игумени, которие монастирѣ позапустѣвали и фолварки собѣ з мѣст святых починили, и сами толко з слуговинами и приятелми ся в них телесне и скотски переховывают, на мѣстах святых лежачи, грошѣ збирают, с тых доходов, на богомолци Христови наданных, дѣвкам своим вѣно готуют, сыны одѣвают, жоны украшают, слугы умножают, барвы справуют, приятелѣ обогачуют, кареты зиждут, возники сытые и единообразные спрягают, розкош свою поганскию исполняют. А в монастырѣ рѣк и потоков непрестанно в молитвѣ к небесному кругу текущих иноческого чина по закону церковному видѣти нѣсть, и вмѣсто бдения, пѣсни и молитвы и торжества духовного — псы выют, гласят и ликуют. Где нынѣ правило по уставу святых в Лядской земли в церкви видѣти и слышати хощеши, то есть вечерню, павечерницю, полунощницю, завтредню, 1 час, 3 час, 6 час, 9 час, книжное поучение закона день и нощ? Не все ли превратися в поганское безвѣрие, и слѣд християнского жития исчезе и погибе? Владыки безбожные вмѣсто правила, и книжного чтения, и поучения в закони господни день и нощ над статутами и лжею увесь вѣк свой упражняют и погубляют и вмѣсто богословия и внимання настоящого жития — прелести, хитрости человѣческия, лжи, щекарства и прокурации, дияволского празднословия и угождения ся учат.
О земле запустѣлая и зарослая тернием безвѣрия и безбожия! О образе божий, по подобию зданный, како погребеся от славы нетлѣнной и вѣчной жизни небесного царства во жизни сей, скоро ищезающей! О человѣче окаяный, како, чести своее отбѣгши, и ко безсловесных скотох несмыслству припрящися и усвоитися изволил еси! О християнине реченный, како помазание крещения в божество божеством духа миролюбием сим посмрадил еси! О сыне вѣрою небесного бога, како сыном дияволским плоды дѣл своих преименоватися изволил еси! О царское священие, языку святый, людие обновлення, како во поганское и еретическое безвѣрие превратился еси!

К тебѣ ж, земле Лядская, с плачем глас Исаин мовлю: «И како быст блудница град вѣрный Сион полн суда! В нем же правда успе, в нем же нынѣ убийци. Сребро ваше непотребно. Корчемници твои смѣшают вино с водою». Еже ест образ лядского священства; священници бо твои смѣшают истинное слово божие со лжею, с похлѣбством, ласканием, лицемѣрием, лестию и человѣкоугождением, оводнѣвающе винную истину водою лицемѣрия и лести, чесанием слухов, а не бодением и убиением грѣха, внутр сердца приемого, истинною обличения. Князи твои закону божию не покаряются, — обещници татем, любяще мзду, гоняще за посулами, сиротам не судяще и суд вдовиц не внемлюще! Сего ради се глаголеть владыка господь Саваоф: «О, горе моцным и преложоным в Лядской земли! Не престанет бо ярост моя на противност их и суд лукавства их! И противления над ними учиню, и наведу руку мою на них, и розпалю бѣдами и искусом в чистоту. Не хотящих же покаятися и от того злонравствия преложитися — и до конца погублю, и памят имени их во вѣки затрачу, и отиму всѣх безаконых от тебе, и всѣх гордых смирю. И будет крѣпост их, яко паздерие згребное, и дѣла их, яко искры огнены. И сожегутся беззаконници и грѣшници вокупѣ, и не будет угашаяи».

О, лютѣ, страно грѣшна, людие полны грѣхов, племя злое, сынове беззаконии! Остависте господа и разгнѣвасте святого Израилева, отвратистеся вспят! Что и еще уязвляется, прилагающе безаконие ко безаконию? От главы и до ног острупѣли есте! От началник, от священик и до простих онечистѣли есте! Осмраднѣли есте гноем миролюбия! Образ божий огноили есте! Нѣст мѣста цѣлого от грѣховного недуга — все струп, все рана, все пухлина, все гнилство, все огонь пекелный, все болѣзнь, все грѣх, все неправда, все лукавство, все хитрост, все коварство, все кознь, все лжа, все мечтание, все сѣнь, все пара, все дым, все суета, все тщета, все привидѣние — сущее ж нѣст ничтоже. Нѣст где плястра приложити на исцѣление нѣкоея части. Все смертоносный грѣх, все пеклом, адом и гееною вѣчною смердит!

Покайтеся убо бога ради, покайте, донелиже покаянию время имате; по смерти бо сего обрѣсти не можете. Что толико онечувствѣли, одебелѣли и окаменѣли сердцем и помыслом есте? Еда не вѣруете, яко помрете? Аще украдает вам диявол тую память и ослѣпляет вас миролюбием, а вы прибѣгнете с памятию народивших вас и предков ваших. Где ся подѣли и в которую сторону отшли? Не померли ли? Не и вам же ли там подобает отити и также помрете? А егда и вы мусите, хочь и не хочете, так же, як и родители ваши, помрѣти, готовѣте ж ся на исход ко будущему вѣку! Готовѣте дѣла, готовѣте чистое житие, готовѣте богоугождение! Да егда повелит вам маятель от сея жизни преходити, да имате тое готово з собою. Да будет тое сокровище при вас на смертной постели, да видите тое собрание свое, егда душа с тым окаянным тяжаром тѣла розстатися хощет и утѣшитеся! Нехай буде тое сокровище ваше вам послом до надр Авраамлих. Яко да готует покой и мѣсто отпочиненя, мѣсто прохладное, мѣсто покойное, мѣсто затишное, отнюду же отбѣже всяка болезнь, печал и воздыхание, идеже присѣщает свѣт троичного божества, идеже жизнь безконечная, радост неизреченная, весѣле непостыжимое, идеже лици святых, лици патриарх, лици древле богу угодивших, лици пророк, лици апостол, лици мученик, преподобных, праведных, во постѣ, молитвѣ и подвизѣ просиявших, пустынное воспитание, честное воскормление и оживотворение духа святого дѣйством и благодатию, их же подражатели во подвизѣ быти и наслѣдниками чести и жребия их получити вас подоби, Христе царю, которому ти приносится от всея твари честь и поклонение со отцем и святым духом и нынѣ и присно и во вѣки вѣком. Аминь. Иоан инок з Вишнѣ от святои Афонскои горы прочух от Лядской землѣ, сиреч Малои Русии, како напали на вас злоереси. Того ради послахом отца нашего Саву проигумена от святых Павел. А вы же, Христовы християне, приимѣте его со радостию и милостиню сотворите, — того ради молим вашей милости.