Ляшевский
Холоп
Пост N: #2
Зарегистрирован: 02.01.08
Отправлено: Вчера 21:21. Заголовок: Книжка Иоанна мниха Вишенского от святой Афонской горы
------------------------------------------------------------------------
В напоминание всЪх православных християн, братствам и всЪм благочестивым,
в Малой России в коронЪ Полской жителствующим иноческого чина общежителям,
архимандритам, и священноинокам, и честным монахам, и инокиням всЪм,
сестрам нашим, и прочиим тщателям церковным,
благодать Господа нашего Исуса Христа и любы Бога Отца
и причастив Святого Духа буди со всЪми вами.
Аминь
Посылаю вам термину о лжи, которая над истиною у вашей земли царствует, и бог от всЪх сторон и частий християнства хулится, духи ж лукавий поднебеснии (к ним же нам брань, по Павлу) в християнствЪ нашем владЪют, отнюду же за невЪрие и бесплодие наше попущени есмо в запустЪние з нашею православною вЪрою. И если ся не почуете и не справите, знаючи да знаете, яко и в конец благочестие наше запустЪет, оставшии ж в безвЪрии вси погибнут. Уготован бо сосуд гнЪва божия на вашу землю пролитися, чому забЪгайте покаянием и исправлением вашим яже ко богу скоро. Понеж нЪсть незбожнЪйшее, хулнЪйшее, и несправедлившее, и нечистшее землЪ ни в поганьствЪ, як же ваша земля. Прото, молю вас, спасайтеся образом Лота, избЪгша из Содомы во Сигор, - Сигор же ест покаянне и очищение от грЪха - сицевым образом, яко ту послЪди о очищений церкви реклося, найдете. А егда сие исправите, чаю на милость божию, яко призрит на нас паки милосердным оком и благочестие наше воздвигнет, и всЪх, в нем благочестно живущих, спасет, и царства небесного наслЪдниками быти сподобит, еже нам всЪм получити, господи, дажд. Аминь. Сию же термину, начисто преведши, и иншим всЪм знати о том дайте, понеж не о лычко или о ременец идет, але о цЪлую кожу, се ест о спасение душ наших и да не погибнем и дочасне и вЪчне от бога жива. В грЪшницех от всЪх первЪйший, Во злобЪ от всЪх прелукавЪйший, В страстех от всЪх безчестнЪйший, В злонравии от всЪх богатший, В вЪрЪ же от всЪх неменший, И в покаянии не послЪднЪший. Спасения вашего вам истинный желатель, Иоанн инок з ВишнЪ от святой Афонской горы рукою власною писал
Оглавление писанного в книжце сей, краткословие
1. Обличение диявола-миродержца и прелестный лов его вЪка сего настоящого (1599-1600)
http://kirsoft.com.ru/skb13/KSNews_212.htm 2. Писание до князя Василия и всЪх православних християн, ознаймуючи, як восточнои вЪры вЪрнии на опоцЪ или на камени вЪры Петровы неподвижно и непрелестно стоят, и врата адова их одолЪти никако же не могут, прочии ж вси отпали в прелест, заблудили и в ад адовыми враты затворени сут; в нем же и погреб невЪрию папы римского и ему послЪдующих (1599-1600)
http://kirsoft.com.ru/skb13/KSNews_213.htm 3. Порада, како да ся очистит церков Христова, заплюглавленная лживыми пастырями и нечистым житием оных и всЪх им послЪдующих, и которий смрад поганский возлонравствися в християнах; зде и о поруганию иноческого чина от свЪтских и мирского жития человЪк и что ест тайнство иноческого образа, лЪпоутвария и прочая (1599-1600)
http://kirsoft.com.ru/skb13/KSNews_214.htm 4. Писание до всЪх обще, в Лядской земли живущих, да ся покают к богу, показуючи, каковы плоды Лядской земли жителей (1588)
http://kirsoft.com.ru/skb13/KSNews_215.htm 5. Писание к утекшим от православнои вЪры епископам о имени згоды в книжках от них выданое, показуючи, яко тая згода не таковыми, яко ж они, безплодными в вЪрЪ и житии, чинена и еднана быти мает, но святыми и духовного разума достигшими, и на прочая хулы, лож и клевету, от них на благочестие и ему послЪдующих рыгненую, отповЪд и обличение, откуду сию мудрость и разум постигли, которым так безбожне мудрствовати ся отрули (1598)
http://kirsoft.com.ru/skb13/KSNews_216.htm 6. ИзвЪщение краткое о латинской прелести, заблуждении от пути истинного, лжи и хоробЪ смертоносного и погибелию вЪчною смердящого мудрования, еже о вЪрЪ, о церкви, о началствЪ, о ложном чистцу и прочая (1588-1589)
http://kirsoft.com.ru/skb13/KSNews_217.htm 7. О еретиках, что ест имя ересь и что благочестие (1599-1600)
http://kirsoft.com.ru/skb13/KSNews_218.htm 8. Загадка философам латинским (1599-1600)
http://kirsoft.com.ru/skb13/KSNews_219.htm 9. СлЪд краткий, приводящий к постыжению и изучению художества, приводящего ко царствующей безсмертной и вЪчной правдЪ (1599-1600)
http://kirsoft.com.ru/skb13/KSNews_220.htm 10. Новина, или ВЪсть, о обрЪтении тЪла Варлаама, архиепископа Охридского града, в градЪ Велис убитого и в рЪку Вардар въвръженного
http://kirsoft.com.ru/skb13/KSNews_221.htm О чину прочитання сего писання
Первое убо да будет прочитател искусен, в чтении бЪглый и быстрый в зраку, не повторяючи и заикаючися на одной РЪчи два крот или три, але в мЪру ровно словом по пути речений изображенных да ступает, на запятых мало застановляется, а на точках, прошедше двЪ-три или колко может вмЪстити точок, паче же где бы ся речение розумЪния кончило, там духови да отпочивает, отдыхает и постоювает, ато для того, абы и простым безкнижным слухачам розум реченых явлен и вмЪстен был.
Второе, соборно созвавши братию православных в школу рано по проспаний нощном, доколя еще молва мирская смущение и попечение на мысль бодрую и здравую не взыйдет и не оболЪет промыслом земным и доколя еще чрево не наладовано гноем снЪдных, тогда да ся читает.
Третие, не обременяти слухи немощных многочтением, но власт тридесят или больше листков прочитати, та же кончати и, закладку заложивши, на другий поранок слухачов на таковый же пир и чест духовную просити, и так, поранок поранками проходячи, дондеже совершит пир книжного речення, собрание умолити, яко да наченши и совершат слуханием здравое и трезвое мысли, что же приобрящут отсюду, мню, сами искусом увЪдят, если добре выслухают.
ТобЪ же, прочитателю, трудолюбия ради от владыки Христа будет мзда болшая стократ, нежели твой труд. И тобЪ, священиче, за собрание собора вторая равно постигнет. Аще ли же сам поревнуеши и первую восхитити, сам собою потрудитися, се ест и прочитати и братию собирати, не зазрим ти сего приобрЪтения талантоплодного. Господь до тебе поспЪшит и поможет. Аминь.
Се же вездЪ по соборах братских тако же да ся исправляет, идЪже сие писание доидет, яко да познают християне, что ест наша простая восточных вЪра и что других отщепенцов хитрое безвЪрие.
Ко прочитателю наединъ сего писаня
Напред тебе от тое прелести остерегаю, любимый прочитателю, да не ищеши зде хитростей слогов сплетенорЪчных наказания еллинского, але слЪд существа правды, в ней же живот вЪчный затворен ест, да щупаеши, да знаеши. Не минай скорогонцем, яко пустое коло вЪтрное, очима пробЪгаючи, от мЪста на мЪсто вперед писаного, але застановляйся на ступенях, о лжи и истинЪ рЪченых, судом мысльным и, увидЪвши, яко истина от лжи попирается погибелными сынами, жалуй, проплач и богу ся помоли, яко да даст всЪм заблуждшим на пут спасеный возвратитися и во розум истинный прийти. А о собЪ аз и сам свЪдителство вам даю, яко грамматичкого дробязку не изучих, риторичнои игрушки не видах, философского высокомечтателного ни слыхах. Мой ест даскал простак, але от всЪх мудрЪйший, который безкнижных упремудряет; мой даскал простак, который рыболовци в человЪколовци претворяет; мой даскал, которий простотою философы посмЪвает; мой даскал, которий смирением гордость потлумляет. ТЪмже, если хочеш на пут збавенный улучити, послухай и, если хощеши царство небесное обрЪсти, моцне дуфай. А если тя дух тщеславия наказания латинского преборет и сей простотЪ моей не увЪруеши, вЪдаючи, запевне вЪдай, яко живота вЪчного не наслЪдуеш.
А.М. Камчатнов. Страница из истории борьбы за церковнославянский язык
http://sinsam.kirsoft.com.ru/KSNews_672.htm Іван Вишенський
http://litopys.org.ua/old14_16/old14_19.htm ОтвЪт СкарзЪ на зазрость греков (1601)
http://kirsoft.com.ru/skb13/KSNews_222.htm Послание к старице Домникии (1605)
http://kirsoft.com.ru/skb13/KSNews_223.htm Зачапка мудраго латынника с глупым русином (1608-1609)
http://kirsoft.com.ru/skb13/KSNews_224.htm Послание львовскому братству (1610)
http://kirsoft.com.ru/skb13/KSNews_225.htm Послание Иову Княгиницкому (1610)
http://kirsoft.com.ru/skb13/KSNews_226.htm Позорище мысленное (1615-1616)
http://kirsoft.com.ru/skb13/KSNews_227.htm
- участник сейчас на форуме
- участник вне форума
